கர்ப்பிணி பெண்ணை மீட்ட மெட்ராஸ் ரெஜிமன்ட் வீரர்களுக்கு பாராட்டு

கேரளாவில், புத்தன் வெள்ளிக்கரா என்ற நிவாரண முகாமில் அம்ருதா என்ற கர்ப்பிணி பெண் அவதிப்பட்டார். சுற்றிலும் 5 அடி உயரத்துக்கு தண்ணீர் ஓடிய நிலையில், மெட்ராஸ் ரெஜிமண்ட் பட்டாலியனை சேர்ந்த நவுசத் என்ற வீரரிடம் அம்ருதாவின் கணவர் சீனிவாசன் உதவி கோரியுள்ளார். இதையடுத்து, ராணுவ டிரக்கில் வந்த வீரர்கள், அம்ருதாவை அழைத்துக் கொண்டு, 5 அடி ஆழ தண்ணீரில் ராணுவ வாகனத்தை ஓட்டிச் சென்று மருத்துவமனையில் சேர்த்துள்ளனர். கடந்த 16ஆம் தேதி, இந்த சம்பவம் நடந்தது. மறுநாள், அம்ருதாவுக்கு ஆண் குழந்தை பிறந்தது. இதையடுத்து, மெட்ராஸ் ரெஜிமன்ட் வீரர்களை அனைவரும் பாராட்டினர்.