ஊருக்குள் சுற்றித்திரிந்த 2 வெளியாட்கள் - குழந்தை கடத்த வந்ததாக கருதி அடி, உதை

மணப்பாறையை அடுத்த ஆண்டிக்கவுண்டம்பட்டி பகுதியில், தலையில் தொப்பியுடன் இருவர் சுற்றித்திரிவதை பார்த்த பொதுமக்கள் அவர்களை பிடித்து விசாரித்தனர். அப்போது இருவரும் முன்னுக்கு பின் முரணாக தகவல்களை தெரிவித்ததால், குழந்தை கடத்த வந்ததாக கருதி அவர்களை பொதுமக்கள் தாக்கியுள்ளனர். தகவல் அறிந்து வந்த போலீசார், இருவரையும் பொதுமக்களிடம் இருந்து மீட்டனர். இருவரும் மதுரையைச் சேர்ந்த இஸ்லாமியர்கள் என்பதும், கிராமங்களில் மந்திரிப்பதாக கூறி சுற்றி திரிந்ததும் விசாரணையில் தெரியவந்தது.