ஜெயிலர் பட வெற்றியை தொடர்ந்து, நடிகர் ரஜினிகாந்தை நேரில் சந்தித்த தயாரிப்பாளர் கலாநிதி மாறன், காசோலையை பரிசாக வழங்கினார். நெல்சன் இயக்கத்தில், அனிருத் இசையில் வெளியான ஜெயிலர் திரைப்படம், உலகம் முழுவதும் வசூலை குவித்து வருகிறது. படம் வெளியாகி 3 வாரம் கடந்த போதும், தொடர்ந்து வசூல் வேட்டை நடத்தி வருகிறது. இந்த நிலையில் படத்தின் தயாரிப்பாளர் கலாநிதி மாறன், நடிகர் ரஜினிகாந்தை சந்தித்து ரெக்கார்ட் மேக்கர் என குறிப்பிட்டு காசோலையை வழங்கினார். அந்த புகைப்படம் சமூக வலைதளங்களில் வேகமாக பரவி வருகிறது..