ஜென்டில்மேன் இரண்டாம் பாகத்தின் படப்பிடிப்பை அமைச்சர் சாமிநாதன், வைரமுத்து தொடங்கி வைத்தனர். 1993ஆம் ஆண்டு ஷங்கர் இயக்கத்தில் மிகப்பெரிய வரவேற்பை பெற்ற ஜென்டில்மேன் படத்தின் இரண்டாம் பாகத்தை தயாரிப்பாளர் கே.டி.குஞ்சுமோன் உருவாக்குகிறார். கோகுல் கிருஷ்ணா இயக்கத்தில் சேத்தன் சீனு, நயன்தாரா சக்கரவர்த்தி உள்ளிட்டோர் நடிக்கும் இந்த படத்திற்கு, ஆஸ்கர் புகழ் கீரவாணி இசையமைக்க, வைரமுத்து பாடல்களை எழுதியுள்ளார். இதன் படப்பிடிப்பு சென்னையில் எம்ஜிஆர் ஜானகி கல்லூரி வளாகத்தில் தொடங்கியது.