"அமெரிக்கா - கனடா எல்லையில் கட்டுப்பாடுகள் தொடரும்" - கனடா பிரதமர் ஜஸ்டின் ட்ரூடியு அறிவிப்பு

கனடாவில், கொரோனா வைரஸ் பாதிப்பினால் ஆயிரத்து 400 - க்கும் அதிகமானோர் உயிரிழந்தனர். 33 ஆயிரத்திற்கும் மேற்பட்டோர் பாதிக்கப்பட்டுள்ள நிலையில், பல முன்னெச்சரிக்கை நடவடிக்கைகளை  மேற்கொண்டு வருகிறது. இதனிடையே ஒட்டவாவில், செய்தியாளர்களிடம் பேசிய அந்நாட்டு பிரதமர் ஜஸ்டின் ட்ரூடியு, அமெரிக்கா - கனடா இடையே உள்ள எல்லைப்பகுதியில் கட்டுப்பாடுகள் அடுத்த 30 நாட்களுக்கு, தொடரும் என கூறியுள்ளார். கொரோனாவை தடுக்கும் பணியில், இரு நாடுகளின் ஒத்துழைப்பும் நன்றாக உள்ளதாக அவர் குறிப்பிட்டார்.