ரயிலில் பயணம் செய்த இளைஞர்..உடல் சிதறி பறிபோன உயிர் - விருதுநகரில் அதிர்ச்சி

விருதுநகர் அருகே, ரயிலின் படிக்கட்டில் நின்றபடி பயணம் செய்த இளைஞர் ஒருவர் ரயிலில் இருந்து தவறி விழுந்து உடல் சிதறி உயிரிழந்துள்ளார்.

சென்னை தாம்பரத்தில் இருந்து இரவு 9 மணிக்கு கிளம்பிய செங்கோட்டை சிறப்பு விரைவு ரயிலில் இளைஞர் பயணம் செய்திருக்கிறார். விருதுநகர் மாவட்டம் நரிக்குடி ரயில் நிலையம் அருகே ரயில் வந்தபோது இளைஞர் படிக்கட்டில் நின்று பயணம் செய்ததாக கூறப்படுகிறது. இதில், ரயிலில் இருந்து தவறி தண்டவாளத்தில் விழுந்த இளைஞர், உடல் சிதறி பலியானது அதிர்ச்சியை ஏற்படுத்தியுள்ளது. 28 வயது இளைஞர் உயிரிழந்ததாக கூறப்படும் இந்த சம்பவத்தில், இளைஞரின் உடலை கைப்பற்றியிருக்கும் போலீசார், அவர் குறித்து தீவிர விசாரணை நடத்தி வருகின்றனர்.