விரட்டி விரட்டி... கூறுபோடப்பட்ட `ஆட்டு' வியாபாரி... பின்னணியில் மாற்றான் மனைவி...

விருதுநகர் மாவட்டம் காரியாபட்டியில், தகாத உறவு காரணமாக ஆட்டு வியாபாரியை கொலை செய்த 2 பேர் கைது செய்யப்பட்டுள்ளனர்.

மதுரை மாவட்டம் கள்ளிக்குடி அருகே திருமால் கிராமத்தை சேர்ந்தவர் ராமநாதன். ஆட்டு வியாபாரியான இவருக்கும், விருதுநகர் மாவட்டம் காரியாபட்டி அருகே மீனாட்சிபுரத்தைச் சேர்ந்த ராமச்சந்திரன் என்பவரது மனைவி வைரஜோதிக்கும் இடையே தவறான பழக்கம் இருந்ததாக கூறப்படுகிறது. இந்நிலையில், எஸ்.கல்லுப்பட்டி சாலையில் இருசக்கர வாகனத்தில் சென்று கொண்டிருந்த ராமநாதனை, ராமச்சந்திரனும் அவரது மகன் வீராவும் விரட்டி விரட்டி கத்தியால் குத்தி கொலை செய்த‌தாக கூறப்படுகிறது. தகவலறிந்து வந்த காவல்துறையினர், ராமநாதன் உடலை கைப்பற்றி மருத்துவமனைக்கு அனுப்பி வைத்து, ராமச்சந்திரன் அவரது மகன் வீராவை கைது செய்து விசாரணை நடத்தி வருகின்றனர்.