சொல்லியும் அதிகாரிகள் காட்டிய அலட்சியம்? - “நினைத்தது போலவே நடந்துடுச்சு“- குமுறும் விவசாயிகள்

திருச்சி மாவட்டம் குமாரவாடியில், அதிகாரிகளின் அலட்சியத்தால் வயலில் மழைநீர் தேங்கி பயிர்கள் அழுகுவதாக விவசாயிகள் வேதனை தெரிவித்துள்ளனர். வலையப்பட்டி வழியாக சடையம்பட்டிக்கு புதிய தார் சாலை அமைக்கப்பட்டபோது, மழைநீர் தேங்கும் இடத்தில் சிறுபாலம் அமைக்க விவசாயிகள் கோரிக்கை விடுத்துள்ளனர். ஆனால், பாலம் அமைக்காமல் பணிகள் முடிக்கப்பட்ட நிலையில், தற்போது பெய்த மழையால் விளைநிலங்களில் மழைநீர் தேங்கி பயிர்கள் அழுகியது. இதனால் வேதனையடைந்துள்ள விவசாயிகள் உரிய நடவடிக்கை எடுக்க கோரியுள்ளனர்.