நடுரோட்டில் பஸ்ஸை நிறுத்தி சாவியை பிடுங்கி ஓடிய நபர்... ஷாக்கான பயணிகள்... திடீர் பரபரப்பு

தூத்துக்குடியில் இருந்து நெல்லை சென்ற தனியார் பேருந்தில், போதையில் ஏறிய நபர் ஒருவர், நடத்துநர் மற்றும் ஓட்டுநருடன் வாக்குவாதத்தில் ஈடுபட்டார். பேருந்து நிறுத்தம் அருகே நிறுத்தப்பட்ட நிலையில், பேருந்தின் சாவியை எடுத்துக்கொண்டு போதை ஆசாமி ஓட்டம்பிடித்தார். இதையடுத்து நடத்துநர் மற்றும் ஓட்டுநர் போலீசாரிடம் புகாரளித்தனர். தொடர்ந்து மணிநகர் அருகே பதுங்கி இருந்த போதை ஆசாமியை பிடித்த போலீசார், அவரிடமிருந்து பேருந்தின் சாவியை பறிமுதல் செய்தனர்.