"புதுசு புதுசா கிளப்புறாங்க..!" - காரில் வந்து ஆடுகளை திருடிய கும்பல்..தென்காசி அருகே அதிர்ச்சி

செங்கோட்டை தாலுகாவிற்கு உட்பட்ட பகுதிகளில், ஒரே நாளில் அடுத்தடுத்து 10க்கும் மேற்பட்ட ஆடுகள் காணாமல் போயிருந்தன. இதுதொடர்பாக, விவசாயிகள் காவல் நிலையத்தில் புகார் அளித்த நிலையில், சம்பந்தப்பட்ட இடங்களில் உள்ள சிசிடிவி காட்சிகளை போலீசார் ஆய்வு செய்தனர். அதில், சொகுசு காரில் வந்த கும்பல் ஒன்று, ஆடுகளை திருடிச் செல்வது தெரியவந்தது. இதுதொடர்பான விசாரணையில், கடையநல்லூர் அருகே அச்சன்புதூர் பகுதியை சேர்ந்த அஸ்கர், நவ்ஃபுல், சாதிக் ஆகிய 3 பேரை போலீசார் கைது செய்ததுடன், காரையும் பறிமுதல் செய்தனர். திருடிய ஆடுகளை, கேரளா மாநில ஆட்டுச் சந்தைகளில் அந்த கும்பல் விற்பனை செய்தது விசாரணையில் தெரியவந்தது.