அசுர வேகத்தில் வந்த கார்..தூக்கி வீசப்பட்ட எதிரே வந்த பைக்..3 பேருக்கு நேர்ந்த சோகம்..| Chennai

அண்ணா சாலையில், டி.எம்.எஸ். மெட்ரோவில் இருந்து அண்ணா மேம்பாலம் நோக்கி செல்லும் வழியில் நேற்றிரவு 10-30 மணிக்கு இந்த விபத்து நேரிட்டது. பிரபல துணிக்கடை அதிபர் மகன் விலையுயர்ந்த காரிலும், அவருடைய நண்பர்கள் மற்றொரு காரிலும் சாலையில் ஒருவரை ஒருவர் முந்திக் கொண்டு வேகமாக சென்றுள்ளனர். அப்போது, தொழிலதிபர் மகன் சென்ற கார், சாலை நடுவில் உள்ள தடுப்புச் சுவரில் மோதி நிலை தடுமாறி, இடதுபுறம் உள்ள நடைபாதை கம்பிகளை உடைத்து, மின் கம்பத்தில் மோதி நின்றது. இதற்கிடையே, அந்த வழியாக வந்த இருசக்கர வாகனம் மீதும், சைக்கில் மீதும் அந்த கார் பலமாக மோதியதில், அந்த வாகனங்களில் வந்த 3 பேர் படுகாயம் அடைந்து, காவேரி மருத்துவமனையில் அனுமதிக்கப்பட்டுள்ளனர். விபத்து குறித்து போலீசார் வழக்குப் பதிவு செய்து விசாரணை மேற்கொண்டுள்ளனர்.