போதையில் படுத்திருந்த முதியவர்..நொடியில் தலைமீது ஏறி இறங்கிய பேருந்து..உடல் நசுங்கி பலியான சோகம்

செங்கல்பட்டு மாவட்டம் மதுராந்தகத்தில், தனியார் பேருந்து ஏறியதில், மதுபோதையில் இருந்த நபர் உயிரிழந்தார். மதுராந்தகம் பேருந்து நிலையத்தில், கடந்த 2 நாட்களாக 50 வயது மதிக்கத்தக்க நபர் பேருந்து நிலையத்தில் தங்கியிருந்தார். இந்நிலையில், தனியார் பேருந்து வழக்கம்போல் நிறுத்தி வைக்கப்பட்டிருந்தது. பேருந்துக்கு அருகில் இந்த முதியவர் மது அருந்திவிட்டு படுத்துள்ளார். இதை கவனிக்காத ஓட்டுநர் பேருந்தை இயக்கியபோது, அவர் மீது பேருந்து ஏறி சம்பவ இடத்திலேயே உடல் நசுங்கி உயிரிழந்தார். இதுகுறித்து போலீசார் விசாரணை நடத்தி வருகின்றனர்.