உணர்வுப்பூர்வமாக கேள்வி எழுப்பிய சிறுமி - பொறுமையாக பதில் அளித்த ஆணையர்

வடசென்னை பகுதிகளில் நடைபெற்று வரும் மழைநீர் வடிகால் பணிகளை தலைமைச் செயலாளர் சிவ்தாஸ் மீனா, மாநகராட்சி ஆணையர் ராதாகிருஷ்ணன் உள்ளிட்டோர் நேரில் ஆய்வு செய்து வருகின்றனர். அந்த வகையில், எழும்பூர் காந்தி இர்வின் மேம்பாலம் அருகே நடைபெற்றுவரும் பணிகளை அவர்கள் ஆய்வு செய்து கொண்டிருந்தபோது, சாலையில் சென்று கொண்டிருந்த ஜெசிக்கா என்ற சிறுமி, மாநகராட்சி ஆணையர் ராதாகிருஷ்ணனிடம் வந்து, மணிப்பூர் கலவரம் குறித்து கேள்வி எழுப்பினார். மணிப்பூர் கலவரத்தில் நாம் எதுவும் செய்ய முடியாதா சார்? என உணர்வுப்பூர்வமாக கேள்வி எழுப்பிய சிறுமிக்கு, அவர் பொறுமையாக பதில் அளித்து, பின்னர் சிறுமியின் பெயரை கேட்டு வாழ்த்தி அனுப்பினார்.