"நீ ஏன் இப்படி பண்ணுற.." தீராத சந்தேகம்..தீர்த்துக்கட்ட முடிவு - மகளென பார்க்காமல் தந்தை வீசிய கத்தி

திருப்பத்தூர் மாவட்டம் வாணியம்பாடி அருகே, மது போதையில் மகளின் கையை கத்தியால் வெட்டிய தந்தையை போலீசார் கைது செய்தனர்.

வாணியம்பாடி அடுத்த கொடையாஞ்சி கிராமத்தை சேர்ந்தவர் வீராசாமி. இவருக்கு இரண்டு மனைவிகள் உள்ளனர். இரண்டாவது மனைவியான மீனா என்பவரின் மகள் சித்ராவின் நடத்தையில் சந்தேகப்பட்டு, வீராசாமி அடிக்கடி தகராறு செய்து வந்ததாக கூறப்படுகிறது. இதனிடையே, மதுபோதையில் வீட்டிற்கு வந்த வீராசாமி, மகள் சித்ராவிடம் மீண்டும் தகராறில் ஈடுபடவே, ஆத்திரத்தில் அவரது கையை வெட்டியுள்ளார். இதில் படுகாயமடைந்த சித்ரா, மருத்துவமனையில் அனுமதிக்கப்பட்டுள்ள நிலையில், புகாரின் பேரில் வீராசாமியை போலீசார் கைது செய்து விசாரணை நடத்தி வருகின்றனர்.