தொடர்ந்து 3 வருடம்.. படிக்க வைப்பதாக சொல்லி.. மாணவியை சீரழித்த ஆசிரியர்..

தர்மபுரி அருகே உள்ள ஊராட்சி ஒன்றிய அரசு நடுநிலைப் பள்ளியில் ஆசிரியராக பணிபுரிந்து வரும் சரவணன் மீது அதே பள்ளியில் ஏற்கனவே படித்த மாணவி ஒருவர் அனைத்து மகளிர் காவல் நிலையத்தில் பரபரப்பு புகார் ஒன்றை அளித்துள்ளார். அதில், தனக்கு தந்தை இல்லாததை அறிந்த ஆசிரியர் சரவணன், தன்னை படிக்க வைப்பதாக கூறி, தர்மபுரியில் உள்ள ஒரு பள்ளியில் 9-ம் வகுப்பில் சேர்த்து விட்டதாகவும், கடந்த 2021-ம் ஆண்டு தனக்கு சிறப்பு வகுப்பு எடுப்பதாக கூறிய அவர் வீட்டிற்கு வர சொல்லி தன்னை பாலியல் பலாத்காரம் செய்ததாகவும் குறிப்பிட்டுள்ளார். இதேபோல 12-ம் வகுப்பு படிக்கும் வரை தொடர்ந்து 3 ஆண்டுகளாக தன்னை மிரட்டி பாலியல் பலாத்காரம் செய்ததாகவும் மாணவி அதிர்ச்சி புகார் அளித்துள்ளார். இதுகுறித்து வழக்குப்பதிவு செய்த தர்மபுரி அனைத்து மகளிர் போலீசார், ஆசிரியர் சரவணனை போக்சோ சட்டத்தின் கீழ் கைது செய்து சிறையில் அடைத்தனர்.