கதற விட வரப்போகிறது கனமழை - எச்சரிக்கையுடன் வெளியான முக்கிய அறிவிப்பு

தமிழகத்தில் இன்று நீலகிரி, ஈரோடு, சேலம், நாமக்கல், கோவை உட்பட 17 மாவட்டங்களில் கன மழைக்கு வாய்ப்புள்ளதாக சென்னை மண்டல வானிலை ஆய்வு மையம் தெரிவித்துள்ளது. நாளை 12 மாவட்டங்களில் கனமழைக்கு வாய்ப்புள்ளதாக தெரிவித்துள்ளது. நாளை நீலகிரி, கோவை மாவட்டங்களுக்கு மிக கனமழைக்கான ஆரஞ்சு நிற எச்சரிக்கை விடப்பட்டுள்ளது. நாளை மறுநாள் நீலகிரி, கோவை, திருப்பூர், தேனி உள்ளிட்ட 4 மாவட்டங்களில் மிக கனமழைக்கான ஆரஞ்சு நிற எச்சரிக்கை விடுக்கப்பட்டுள்ளது. தமிழக கடலோரப்பகுதிகள் சூறைக்காற்று வீசக் கூடும் என்பதால் மீனவர்கள் கடலுக்கு செல்ல வேண்டாம் என அறிவிக்கப்பட்டுள்ளது.