"இந்தியாவின் 2-வது சிறந்த மாநிலம் தமிழ்நாடு" - வேதாந்தா குழும தலைவர் அனில் அகர்வால் பேச்சு

சென்னை பெசன்ட் நகரில் தனியார் பள்ளி திறப்பு விழாவில் வேதாந்தா குழும தலைவர் அனில் அகர்வால் கலந்துகொண்டார். விழாவில் பேசிய அவர், வாய்ப்புகள் நிறைந்த நிலம் தமிழ்நாடு என்றும், பிற மாநிலங்களை காட்டிலும் தமிழ்நாடு அனைத்து துறைகளிலும் முன்னோடியாக விளங்குவதாகவும் குறிப்பிட்டார். தமிழகத்தில் பெண்களுக்கு அதிகாரமளித்தல் முன்னேற்றமடைந்துள்ளதாக கூறிய அவர், நாட்டின் 2-வது சிறந்த மாநிலமாக விளங்குவதாக குறிப்பிட்டார். அமெரிக்கா, பிரிட்டன் உட்பட பல நாடுகளில் அரசியல், தொழில்நுட்பம் என பல்வேறு துறைகளில் முக்கிய இடத்தில் தமிழர்கள் உள்ளதாகவும் அவர் தெரிவித்தார்.