வீடுகளுக்குள் புகுந்த கழிவுநீர்.. ஆத்திரத்தில் எம்எல்ஏ-வை முற்றுகையிட்ட மக்கள்

சென்னையில், ஆயிரம் விளக்கு சட்டமன்ற உறுப்பினர் எழிலனை பொதுமக்கள் முற்றுகையிட்டு தங்கள் கோரிக்கைகளை வலியுறுத்தினர். நுங்கம்பாக்கம் ஜோசியர் தெருவில் நிவாரண பொருள்கள் வழங்க சென்றபோது எழிலனை முற்றுகையிட்ட அவர்கள், மழைவெள்ள பாதிப்பின் போது வார்டு உறுப்பினர் உட்பட யாரும் வந்து தங்களை சந்திக்கவில்லை என அவரிடம் முறையிட்டனர். மழை நின்றும் வீட்டிற்குள் தண்ணீர் நின்றதால் அவதிப்பட்டதாக வேதனை தெரிவித்தனர். பின்னர் பேசிய எழிலன், மக்கள் வைத்த கோரிக்கை மீது உடனடி நடவடிக்கை எடுக்கப்பட்டு வருவதாக கூறினார்.