வீட்டின் முன் நின்ற சாமி...காட்டாத தீபம்.. வெடித்த மோதல் - அல்லோலப்பட்ட போலீஸ் ஸ்டேஷன்

ஜெயங்கொண்டத்தில் சாமி ஊர்வலத்தில் இரு தரப்பினரிடையே மோதல் ஏற்பட்டது தொடர்பாக, 5 பேரை கைது செய்யப்பட்டுள்ளனர்.அரியலூர் மாவட்டம் ஜெயங்கொண்டம் அருகே ஆமணக்கந்தோண்டியில், முந்திரி காடு குத்தகை எடுப்பதில், காசிநாதன் என்பவருக்கும், கிராம முக்கியஸ்தர்களுக்கும் பிரச்சினை இருந்துள்ளது. இந்நிலையில், மாரியம்மன் கோவில் திருவிழாவை ஒட்டி நேற்று சாமி ஊர்வலம் நடைபெற்றது. அப்போது காசிநாதன் வீட்டிற்கு முன்பு சாமி நின்ற போது, அவரின் குடும்பத்தாருக்கு தீபாரதனை காண்பிக்கவில்லை என கூறப்படுகிறது. இது குறித்து காசிநாதன் கேட்டதால், வாக்குவாதம் ஏற்பட்டு தாக்கிக் கொண்டனர். இதில் 2 பேர் படுகாயமடைந்த‌தால் மருத்துவமனையில் சிகிச்சை பெற்று வருகிறனர். மோதல் தொடர்பாக இரு தரப்பும் அளித்த புகாரின் அடிப்படையில், 10 பேர் மீது போலீசார் வழக்குப்பதிவு செய்து, 5 பேரை கைது செய்தனர். கைது நடவடிக்கைக்கு எதிர்ப்பு தெரிவித்து காவல் நிலையத்தை கிராம மக்கள் முற்றுகையிட்டு, வாக்குவாத‌த்தில் ஈடுபட்டனர். பேச்சு வார்த்தைக்கு பின் அவர்கள் கலைந்து சென்றனர்.