``டைமிங் முக்கியமா.. உயிர் முக்கியமா'' - சுத்து போடப்பட்ட விசாரணை போலீஸ் அதிகாரி

சேலத்தில் மோதல் விவகாரத்தில் விசாரணைக்கு சென்ற காவல்துறை அதிகாரி மீது தாக்குதல் நடத்தப்பட்ட சம்பவம் அதிர்ச்சியை ஏற்படுத்தியுள்ளது. தனியார் பேருந்து அதிவேகமாக சென்றது தொடர்பாக ஓட்டுநர் ஜெகதீசனுக்கும், வெள்ளாளப்பட்டியைச் சேர்ந்த சிலருக்கும் இடையே தகராறு ஏற்பட்டது. இதனால் ஜெகதீசனின் ஊர்க்காரர்களான தாண்டனூரைச் சேர்ந்தவர்கள் வெள்ளாளப்பட்டிக்கு சென்று தட்டிக் கேட்டுள்ளனர். அப்போது தகராறு ஏற்படவே... தகவலறிந்து சென்ற ஏத்தாப்பூர் தனிப்பிரிவு எஸ்.எஸ்.ஐ. வளவன் மீது தாக்குதல் நடத்தப்பட்டதாகக் கூறப்படுகிறது... போலீசார் அங்கு விரைந்து வரவே தகராறு செய்தவர்கள் தப்பி ஓடியுள்ளனர். தாக்குதலில் காயமடைந்த ஓட்டுநர், நடத்துநர் மருத்துவமனையில் அனுமதிக்கப்பட்டுள்ள நிலையில் இச்சம்பவம் பரபரப்பை ஏற்படுத்தியுள்ளது.