உயிர் நண்பன் கொலைக்கு பழிதீர்க்க பயங்கர திட்டம் தீட்டிய கும்பல்...சைடு கேப்பில் செய்த சம்பவம்

உயிர் நண்பன் கொலைக்கு பழிதீர்க்க பயங்கர திட்டம் தீட்டிய கும்பல்...சைடு கேப்பில் செய்த சம்பவம் - தொக்காக தட்டி தூக்கிய போலீசார்

நண்பனை கொன்றவர்களை பழிக்குப்பழி கொலை செய்ய திட்டம் தீட்டிய கும்பல், வழக்கின் செலவிற்காக வழிப்பறியில் ஈடுபட முயன்ற சம்பவம் புதுச்சேரியில் அரங்கேறி இருக்கிறது.புதுச்சேரியில் உள்ள காலி மனை ஒன்றில், சிலர் ஆயுதங்களுடன் பதுங்கி இருப்பதாக போலீசாருக்கு தகவல் கிடைத்துள்ளது. உடனே சம்பவ இடத்திற்கு சென்ற போலீசார், ஆயுதங்களுடன் பதுங்கி இருந்த ஆறு பேரை சுற்றி வளைத்து கைது செய்த நிலையில், அவர்களிடம் தீவிர விசாரணை நடத்தினர். விசாரணையில், கடந்தாண்டு கொலை செய்யப்பட்ட கோவிந்தசாலையை சேர்ந்த ரவுடி பரத் என்பவரது கொலைக்கு பழிக்குப்பழி வாங்கும் விதமாக இந்த ஆறு பேரும் கொலை செய்ய திட்டம் தீட்டியதும், கொலைக்கு பிறகு வழக்கை எதிர்கொள்ள தேவையான பணத்திற்கு வழிப்பறியில் ஈடுபட முயன்றதும் தெரியவந்தது. இந்நிலையில், ஆறு பேரையும் கைது செய்த போலீசார், அவர்களிடம் இருந்து பட்டா கத்திகள் மற்றும் 2 இரு சக்கர வாகனங்களையும் பறிமுதல் செய்த நிலையில், ஆறு பேரையும் நீதிமன்றத்தில் ஆஜர்படுத்தி சிறையில் அடைத்தனர்.