சித்திரை மாத பிரதோஷம்- கோயில்களில் சிறப்பு வழிபாடு | pradosham

சித்திரை மாத பிரதோஷம்- கோயில்களில் சிறப்பு வழிபாடு

சித்திரை மாத பிரதோஷத்தையொட்டி கோவில்களில் சிறப்பு வழிபாடுகள் நடத்தப்பட்டது. திருச்செந்தூர் சுப்ரமணிய சுவாமி கோயிலின் உப கோயிலான, ஆனந்த வல்லி அம்பாள் சமேத சிவக் கொழுந்தீஸ்வரர் கோயிலில் பிரதோஷத்தை ஒட்டி சிறப்பு பூஜைகள் நடந்தன. இதில் திரளான பக்தர்கள் கலந்துகொண்டனர்.திருவிடைமருதூர் அடுத்த தேப்பெருமாநல்லூர் விஸ்வநாத சுவாமிக்கு ருத்ராட்சத்தால் அர்ச்சனை நடைபெற்றது. தொடர்ந்து பக்தர்களுக்கு ருத்ராட்ச பிரசாதம் மற்றும் அன்னதானம் வழங்கப்பட்டது.திருவண்ணாமலை மாவட்டம் வந்தவாசி ஜலகண்டேஸ்வரர் கோவிலில் நடைபெற்ற வழிபாட்டில் திரளான பக்தர்கள் சாமி தரிசனம் செய்தனர்.

ஆண்டிப்பட்டி அடுத்த கடமலை குண்டு மூல வைகையாற்றில் அமைந்துள்ள பழமையான மீனாட்சி சுந்தரேஸ்வரர் கோவிலில் பிரதோஷ வழிபாடு நடைபெற்றது. முன்னதாக நடந்த மீனாட்சி சுந்தரேஸ்வரர் திருக்கல்யாண நிகழ்ச்சியில் ஏராளமான பக்தர்கள் கலந்து கொண்டு சாமி தரிசனம் செய்தனர்.