"எங்கள மாதிரி ஆட்கள் நம்பி வர்றோம்.. இப்ப ஏமாற்றம் தான் மிஞ்சியது.." - கோயம்பேட்டில் பயணி வேதனை

தீபாவளி பண்டிகையை முன்னிட்டு சென்னையில் இருந்து ஏராளமான மக்கள் சொந்த ஊர்களுக்கு கிளம்பிச் சென்றுள்ளனர். சென்னையில் கடந்த 9-ஆம் தேதி முதல் சிறப்பு பேருந்துகள் இயக்கப்பட்டு வந்த நிலையில், 10-ஆம் தேதி பயணிகளின் கூட்டம் அலைமோதியது. சென்னை கோயம்பேடு பேருந்து நிலையத்தில் முன்பதிவு செய்த பேருந்துகள் கூட சரியான நேரத்தில் வரவில்லை என பயணிகள் வேதனை தெரிவித்தனர். பெரும்பாலானோர் 10-ஆம் தேதி அன்றே சொந்த ஊர்களுக்கு சென்று விட்டதால், நேற்று மாலை முதல் கோயம்பேடு பேருந்து நிலையம் பயணிகள் கூட்ட நெரிசல் இன்றி காணப்பட்டது. போதுமான பேருந்துகள் இருந்ததாகவும், முன்பதிவு செய்யாமல் கூட பயணம் செய்யும் அளவுக்கு பேருந்துகள் இயக்கப்பட்டதாகவும் பயணிகள் தெரிவித்தனர்.