மீன்பிடிக்க சென்ற சிறுவனுக்கு நேர்ந்த சோகம்.. நொடியில் மாயமான மற்றொரு சிறுவன் | Thanthitv

பந்தலூர் மற்றும் சுற்றுவட்டாரப் பகுதியில் கடந்த சில நாட்களாக பெய்து வரும் கனமழையால், அங்குள்ள ஆறுகளில் வெள்ளப்பெருக்கு ஏற்பட்டுள்ளது. இந்நிலையில், பிதர்காடு அரசு மேல்நிலைப் பள்ளியில் படிக்கும் நான்கு மாணவர்கள் வெள்ளேரி ஆற்றுக்கு மீன் பிடிக்க சென்றுள்ளனர். ஆற்றில் நீர்வரத்து அதிகமாக இருந்த நிலையில், தண்ணீரில் தவறி விழுந்த குணசேகரன், கவியரசன் ஆகிய இரண்டு மாணவர்கள் ஆற்றில் அடித்துச் செல்லப்பட்டனர். தகவலறிந்து சென்ற பொதுமக்களும், போலீசாரும், தீவிர தேடுதலுக்கு பின், குணசேகரனை சடலமாக மீட்டனர். மற்றொரு மாணவர் கவியரசை மீட்புக்குழுவினர் தீவிரமாக தேடி வருகின்றனர்...