நாயை குளிப்பாட்டியதால் வந்த வினை... மதுரையில் அதிர்ச்சி சம்பவம்

நாயை குளிப்பாட்டிய தண்ணீர், வீட்டின் முன்பு தேங்கியதால் ஏற்பட்ட தகராறில், மூதாட்டி ஒருவரின் வீட்டில் சிறுவர்கள் பெட்ரோல் குண்டு வீசியதாக கூறப்படும் சம்பவம் மதுரையில் பரபரப்பை ஏற்படுத்தியுள்ளது.மதுரையை சேர்ந்த தம்பதி... நாய் ஒன்றை வளர்த்து வந்த நிலையில், கடந்த வாரம் வீட்டின் முன் வைத்து நாயை குளிப்பாட்டியுள்ளனர். இதில், நாயை குளிப்பாட்டிய தண்ணீர், பக்கத்து வீட்டில் வசித்து வந்த மூதாட்டி மணியம்மையின் வீட்டின் முன் தேங்கியதால், இரு தரப்புக்கும் இடையே வாக்குவாதம் ஏற்பட்டிருக்கிறது. இந்நிலையில், மூதாட்டி மணியம்மையின் வீட்டின் மீது இரவு பெட்ரோல் குண்டு வீசப்பட்ட சம்பவம் பரபரப்பை ஏற்படுத்தியுள்ளது. இந்த சம்பவத்தில் தம்பதியின் மகன்களான பள்ளி சிறுவர்கள் ஈடுபட்டிருக்கலாம் என சந்தேகப்படும் போலீசார், சம்பந்தப்பட்ட சிறுவர்களை தேடி வருகின்றனர்.