சிறுத்தை நடமாட்டம் - பொதுமக்களுக்கு எச்சரிக்கை - வெளியே வர வேண்டாம்

ஒசூர் அருகே சிறுத்தை நடமாட்டம் குறித்து கண்காணித்து வரும் வனத்துறையினர், இரவில் வீடுகளை விட்டு பொதுமக்கள் வெளியே வரவேண்டாம் என அறிவுறுத்தியுள்ளனர். இஸ்லாம்பூர் அருகேயுள்ள சன்னத்து ஓடையில் கடந்த செப்டம்பரில் மேய்ச்சலில் இருந்த ஆடுகளை சிறுத்தை தாக்கி கொன்றது. இதனை பிடிக்க வனத்துறையினர் முயற்சித்த நிலையில், தற்போது வரை சிறுத்தை அகப்படவில்லை. இந்நிலையில் டிரோன் கேமரா மூலம் சிறுத்தை நடமாட்டம் குறித்து ஆய்வு செய்த வனத்துறையினர், அப்பகுதியில் கூண்டு வைத்தனர். மேலும், இரவு நேரங்களில் பொதுமக்கள் வெளியே வரவேண்டாம் எனவும், வீட்டின் வெளியே மின் விளக்குகளை ஒளிரவிடவும் வனத்துறையினர் அறிவுறுத்தியுள்ளனர்.