வெளியாகப்போகும் முக்கிய அறிவிப்புகள்.. - இன்று திமுக எம்.பி.க்கள் ஆலோசனை கூட்டம்

நாடாளுமன்ற சிறப்பு கூட்டத்தொடர் வரும் 18-ந்தேதி தொடங்கி 22-ந்தேதி வரை 5 நாட்கள் நடைபெற உள்ளது. இந்த கூட்டத் தொடருக்கான நிகழ்ச்சி நிரல் முழுமையாக வெளியிடப்படவில்லை. இந்த கூட்டத்தொடரில் பல்வேறு முக்கிய அறிவிப்புகள் வெளியாகும் என்று எதிர் பார்க்கப்படுகிறது. இந்த நிலையில், முதலமைச்சர் ஸ்டாலின் தலைமையில் திமுக எம்.பி.க்கள் ஆலோசனை கூட்டம், இன்று காலை 10: 30 மணிக்கு, சென்னை அண்ணா அறிவாலயத்தில் நடக்கிறது. கூட்டத்தில் திமுகவின் மக்களவை, மாநிலங்களவை உறுப்பினர்கள், மற்றும் முக்கிய மாநில நிர்வாகிகள் பங்கேற்க உள்ளனர். இந்த கூட்டத்தில், நாடாளுமன்ற சிறப்பு கூட்டத்தொடரில் திமுக எம்.பி.க்கள் எவ்வாறு செயல்பட வேண்டும் என்பது குறித்து முதல்வர் ஸ்டாலின் ஆலோசனை வழங்க உள்ளார்.