"நொடியில் ரூ.3.50 லட்சம் போச்சு.." ..மூக்குக்கு வந்த வாசனை.. ருசித்த வாய்..

நொடியில் ரூ.3.50 லட்சம் போச்சு.." ..மூக்குக்கு வந்த வாசனை.. ருசித்த வாய்..சோத்து மூட்டை கும்பல் அடுத்தடுத்து செய்த பகீர் காரியம்

ஓசூர் அருகே திருவிழாவை பயன்படுத்தி அடுத்தடுத்து 3 வீடுகளில் 14 சவரன் தங்க நகைகள், மூன்றரை லட்சம் ரொக்க பணம் கொள்ளை போனது தொடர்பாக போலீசார் விசாரணை மேற்கொண்டுள்ளனர்.தேன்கனிக்கோட்டையில் யாரப் தர்காவில் சந்தனக்கூடு உருஸ் திருவிழா நடைபெற்றது. இதனையடுத்து அப்பகுதி மக்கள் திருவிழாவை கொண்டாட அங்கு குவிந்தனர். இதனை தங்களுக்கு சாதகமாக பயன்படுத்திக் கொண்ட மர்ம நபர்கள், அடுத்தடுத்து 3 வீடுகளில் 14 சவரன் தங்க நகைகள், மூன்றரை லட்சம் ரொக்க பணம் மற்றும் 2 கிலோ வெள்ளி பொருட்களை கொள்ளையடித்து சென்றனர். மேலும் ஒரு வீட்டில், பொருட்கள் ஏதும் இல்லாததால், அங்கு இருந்த உணவை சாப்பிட்டு விட்டு சென்றனர். சம்பவ இடத்திற்கு வந்த போலீசார், இதுதொடர்பாக விசாரணை மேற்கொண்டுள்ளனர்.