பஞ்சர் கடை சேரில் அமர்ந்த நபர்..பயங்கர சத்தத்துடன் வெடித்து சிதறல் - முறிந்த கால்.. அதிர்ச்சி

ஓசூர் அருகே பஞ்சர் கடையில் ஏர் கம்ப்ரசர் வெடித்து ஒருவர் படுகாயமடைந்த சம்பவம் அதிர்ச்சியை ஏற்படுத்தியுள்ளது...

தண்டரை கிராமத்தை சேர்ந்த மஞ்சுநாத் தேன்கனிக் கோட்டை செல்லும்போது அவரது இருசக்கர வாகனம் பழுதான நிலையில், அங்குள்ள பஞ்சர் கடை ஒன்றில் இருசக்கர வாகனத்திற்கு பஞ்சர் பார்க்க சென்றுள்ளார்.

மஞ்சுநாத் கடையினுள் ஒரு சேரில் அமர்ந்திருந்த நிலையில், கடையில் ஓடிக் கொண்டிருந்த ஏர் கம்ப்ரசர் எந்திரம் திடீரென வெடித்தது... அருகில் கிடந்த இரும்பு கம்பிகள் மஞ்சுநாத்தின் காலில் அடித்து வலது கால் எலும்பு முறிந்தது. படுகாயங்களுடன் அவர் மருத்துவமனையில் அனுமதிக்கப்பட்டுள்ளார்... இச்சம்பவம் குறித்து போலீசார் வழக்குப்பதிவு செய்து விசாரித்து வருகின்றனர்.