திடீரென்று கொட்டித் தீர்த்த மழை - கூலான நாகை.. குஷியான மக்கள் | TN Rain

நாகையில் பல்வேறு இடங்களில் கனமழை பெய்தது. நாகை மாவட்டத்தின் பல்வேறு பகுதிகளில் அதிகாலை முதல் கனமழை வெளுத்து வாங்கியது. நாகூர், வேளாங்கண்ணி, கீழ்வேளூர், கீழையூர், சிக்கல், திருமருகல், திட்டச்சேரி உள்ளிட்ட பகுதிகளில் மழை கொட்டித்தீர்த்தது. இந்த திடீர் மழையால், வாகன ஓட்டிகள் மழையில் நனைந்தபடியே சென்றனர். இதனிடையே, கரை திரும்பிய மீனவர்கள், தங்களது மீன்பிடி வலைகளை சரிசெய்யும் பணியை மழையில் நனைந்தவாறு செய்தனர்.