துண்டாக வெட்டப்பட்ட 2 கைகள்... ரத்த வெள்ளத்தில் துடிதுடித்த பா.ஜ.க நிர்வாகி... கோவையில் பரபரப்பு

கோவையில் பா.ஜ.க. நிர்வாகி அரிவாளால் வெட்டப்பட்ட சம்பவத்தில், இருவரை போலீசார் கைது செய்துள்ளனர்.

பா.ஜ.க. ஆர்.எஸ்.புரம் இளைஞர் அணி செயலாளர் சதீஷ்குமார் மர்ம நபர்களால் வெட்டப்பட்டு தனியார் மருத்துவமனையில் அனுமதிக்கப்பட்டுள்ளார். இந்து மக்கள் கட்சி முன்னாள் நிர்வாகி எரியீட்டி வேலு என்பவரது 2 மகன்களுக்கும், சதீஷ்குமாருக்கும் இடையே கடந்த ஒரு வாரத்திற்கு முன்பு பிரச்சனை ஏற்பட்டுள்ளது. இதையடுத்து சதீஷ்குமார் அந்த இருவரையும் தாக்கியதாக கூறப்படுகிறது. இந்நிலையில், ஆர்.எஸ்.புரத்தில் உள்ள சதீஷ்குமார் அலுவலகத்திற்கு சென்ற 3 பேர் கொண்ட கும்பல், சதீஷ்குமாரை அரிவாளால் வெட்டி அங்கிருந்து தப்பியோடினர். இதில் இரண்டு கைகளும் துண்டான நிலையில், ரத்த வெள்ளத்தில் உயிருக்கு போராடிய சதீஷ்குமாரை அக்கம்பக்கத்தினர் மீட்டு மருத்துவமனையில் சேர்த்தனர். சி.சி.டி.வி. காட்சிகளை கைப்பற்றி, தடயங்களை சேகரித்தனர்.

இதனிடையே, சம்பவம் தொடர்பாக எரியீட்டி வேலு மற்றும் சரவணன் ஆகிய இருவரை போலீசார் கைது செய்துள்ளனர்.