மாரியம்மன் கோயில் தீக்குழியில் விழுந்த பக்தர்கள் - நெஞ்சை பதறவைக்கும் காட்சிகள்

சிதம்பரம் கீழத்தெரு மாரியம்மன் கோவில் தீமிதி திருவிழாவில் பக்தர்கள் தீக்குழியில் தடுமாறி விழுந்ததால் பரபரப்பு ஏற்பட்டது. இந்த தீமிதி திருவிழாவில், ஏராளமான பக்தர்கள் தீ மிதித்து தங்களது நேர்த்திக்கடனை செலுத்தினர். அப்போது, பதற்றத்துடன் தீக்குழியில் இறங்கிய ஒரு பெண் உட்பட 3 பக்தர்கள், தீக்குழியில் தடுமாறி விழுந்தனர். உடனே, அருகில் இருந்த தீயணைப்புத்துறை வீரர்கள் பக்தர்களை பாதுகாப்பாக மீட்டு, மருத்துவமனைக்கு அனுப்பிவைத்தனர். இதனால், பெரும் அசம்பாவிதம் தவிர்க்கப்பட்டது.