மீண்டும் தலை தூக்கும் `ரூட் தல' - பட்டா கத்தியை பார்த்ததும் நடுங்கிய ரயில் பயணிகள்

திருவள்ளூர் மாவட்டம் கும்மிடிப்பூண்டியில், மின்சார ரயிலில் பட்டா கத்தியுடன் பயணித்த இரண்டு கல்லூரி மாணவர்களை ரயில்வே போலீசார் கைது செய்தனர். இரண்டு பேரும் பச்சையப்பா கல்லூரியை சேர்ந்த கல்லூரி மாணவர்கள் என்பதும் ஒருவருக்கு 17 வயது, மற்றொருவருக்கு 18 வயது என்பதும் விசாரணையில் தெரியவந்தது. மேலும், 'ரூட்டு தல' யாக வலம் வருவதற்காக, கல்லூரி மாணவர்கள் இவ்வாறு செய்ததாகவும், தெரியவந்துள்ளது.