விபத்தில் கோமா வரை சென்று திரும்பிய வாலிபர் மீண்டும் விபத்தில் பலி.. விடாத பைக் கண்டம்

சென்னை திருவொற்றியூர் தியாகராயபுரம் பகுதியைச் சேர்ந்த இளைஞர் அப்துல் சாதிக் 10ம் வகுப்பு படிக்கும்போது பைக்கில் நண்பனை அழைத்துச் சென்ற போது விபத்து ஏற்பட்டு கோமாவுக்குச் சென்றார். கோமாவில் இருந்த அப்துல் சாதிக் கடந்த 6 மாதங்களுக்கு முன்பு தான் இயல்பு நிலைக்குத் திரும்பினார்... இந்நிலையில் கல்லூரி செல்ல வேண்டும் என்றுகூறி பெற்றோரிடம் அடம்பிடித்து வற்புறுத்தி கடந்த 10 நாள்களுக்கு முன்புதான் விலை உயர்ந்த பைக்கை அப்துல் சாதிக் வாங்கியுள்ளார்... ஆசை ஆசையாய் வாங்கிய பைக்கை வைத்து ரீல்ஸ் செய்து இணையத்தில் பதிவிட்டு வந்தார்..

ஆர்டிஓ அலுவலகத்தில் வாகனத்தை பதிவு செய்யாத நிலையில் நேற்று மாலை பைக்கை எடுத்துக் கொண்டு வெளியில் புறப்பட்டுள்ளார்... அப்போது எண்ணூர் விரைவுச்சாலை சுதந்தபுரம் பகுதியில் பெட்ரோல் பங்க் விளம்பர கம்பத்தில் மோதிய அப்துல் சாதிக் தலையில் அடிபட்டு சம்பவ இடத்திலேயே உயிரிழந்தார்... இச்சம்பவம் குறித்து போலீசார் வழக்குப்பதிவு செய்து தீவிர விசாரணை மேற்கொண்டுள்ளனர்.