நாளை நடைபெறும் அவனியாபுரம் ஜல்லிக்கட்டு...அரசு பள்ளியில் செய்யப்பட்ட ஏற்பாடுகள்

ஜல்லிக்கட்டு நடைபெறும் இடத்தில் இருந்து 1 கிலோ மீட்டர் தூரம், இரு புறங்களிலும் கட்டைகள் வைத்து பாதுகாப்பு வேலிகள் அமைக்கப்பட்டுள்ளன. ஜல்லிக்கட்டை மக்கள் காண்பதற்காக, இரண்டு இடங்களில் எல்.இ.டி திரை வைக்கப்பட உள்ளது. 15 இடங்களில் குடிநீர் வசதி செய்யப்பட்டுள்ளது. ஐந்து இடங்களில் நடமாடும் கழிப்பறை வசதிகள் செய்யப்பட்டுள்ளது. காளைகள் மற்றும் மாடுபிடி வீரர்களுக்கு காயம் ஏற்படாமல் இருக்க வாடிவாசலில் இருந்து போட்டி நடைபெறும் இடம் வரை தென்னை நார்கள் கொட்டப்பட்டு வருகின்றன. அவனியாபுரம் மார்க்கெட் பகுதியில் உள்ள அரசு பள்ளியில், மருத்துவ உதவிக்கான ஏற்பாடுகள் செய்யப்பட்டு வருகின்றன.