TNPSC-க்கு அன்புமணி ராமதாஸ் திடீர் கோரிக்கை | Anbumani Ramadoss

டிஎன்பிஎஸ்சி குரூப் 2, 2ஏ முதன்மை தேர்வு முடிவுகளை தமிழ்நாடு அரசு பணியாளர் தேர்வாணையம் உடனடியாக வெளியிட வேண்டும் என்று பாமக தலைவர் அன்புமணி ராமதாஸ் வலியுறுத்தியுள்ளார். கடந்த ஆண்டு பிப்ரவரி மாதம் அறிவிக்கப்பட்ட இந்த போட்டி தேர்வுகளின் முடிவுகள் 21 மாதங்களாகியும் இன்று வரையிலும் வெளியிடப்படவில்லை என்றும், முதன்மை தேர்வை எழுதிய 52 ஆயிரம் பேரின் விடைத்தாளை திருத்த இவ்வளவு காலதாமதம் ஏன் என்றும் அவர் கேள்வி எழுப்பியுள்ளார். இனிவரும் காலங்களில், தொகுதி 1, தொகுதி 2, 2ஏ ஆகிய தேர்வுகளை அறிவிக்கப்பட்ட நாளில் இருந்து 10 மாதங்களுக்குள்ளாகவும், பிற தேர்வுகளை 6 மாதங்களிலும் நடத்தி முடித்து, முடிவுகளை வெளியிட வேண்டும் என்று அன்புமணி ராமதாஸ் வலியுறுத்தியுள்ளார்.