ஓடும் காரில் திடீரென வந்த கரும்புகை - அதிர்ச்சி காட்சிகள்

திருவாரூர் ஆட்சியர் அலுவலகம் அருகில், ஓடும் காரில் கரும்புகை வந்ததால் பரபரப்பு ஏற்பட்டது. நிரவி பகுதியை சேர்ந்த ரவிக்குமார் என்பவர், தனது மனைவியுடன் கரூரில் உள்ள தனது மகள் வீட்டிற்கு சென்று கொண்டிருந்தார். விளமல் கல் பாலத்தை கடந்தபோது, காரில் இருந்து கரும்புகை வந்துள்ளது. இதனால் அதிர்ச்சி அடைந்த தம்பதி இருவரும், அவசர அவசரமாக காரில் இருந்து இறங்கினர். தகவலின் பேரில் வந்த தீயணைப்புத் துறையினர், விரைந்து செயல்பட்டு தீயை அணைத்தனர்.