தனியாக மாட்டிய பிரபல ரவுடி! சரமாரியாக வெட்டிய மர்ம நபர்கள்.! சென்னையில் பயங்கர சம்பவம்

மதுரவாயல் அடுத்த வானகரம், கன்னிமாநகரை சேர்ந்தவர் சரவணன் என்ற கேங் சரவணன். பிரபல ரவுடியான இவர் மீது பல்வேறு குற்ற வழக்குகள் நிலுவையில் உள்ளன. இந்நிலையில் நேற்று இரவு வானகரம் பகுதியில் நடந்து சென்று கொண்டிருந்தபோது அங்கு மோட்டார்சைக்கிளில் வந்த மர்ம கும்பல் சரவணனை ஓட, ஓட விரட்டி வெட்டிவிட்டு தப்பி ஓடியது. இதில் படுகாயம் அடைந்த அவர் சம்பவ இடத்திலேயே பலியானார்.

இதுகுறித்து வழக்குப்பதிவு செய்த போலீசார் கொலையாளிகளை வலைவீசி தேடி வருகின்றனர்.

கொலை செய்யப்பட்ட சரவணன் மற்றொரு பிரபல ரவுடியான மயிலாப்பூர் சிவகுமாருக்கு எதிராக செயல்பட்டவர் என கூறப்படுகிறது. எனவே அதில் ஏற்பட்ட முன்விரோதம் காரணமாக கொலை நடந்ததா? அல்லது வேறு ஏதேனும் காரணமா? என போலீசார் விசாரணை நடத்தி வருகின்றனர்