திடீரென தீ பிடித்து எரிந்த‌ பிரபல துணிக்கடை.. அலறியடித்து ஓடிய மக்கள்.. பரபரப்பு சம்பவம்

கும்பகோணத்தில் பிரபல துணைக்கடையின் முகப்புப் பகுதியில் பயங்கர தீ விபத்து ஏற்பட்டதால் பரபரப்பு ஏற்பட்டது. ரயில் நிலையம் அருகே 7 மாடியைக் கொண்ட பிரபல துணிக்கடை இயங்கி வருகிறது. இங்கு, முகப்பு பகுதியில் இருந்த பேனர் உள்ளிட்டவை திடீரென தீ பிடித்து எரிந்த‌தால், கடையில் இருந்த ஊழியர்கள் பொதுமக்கள், பின்பக்கம் வழியாக வெளியேற்றப்பட்டனர். தகவலறிந்து 3 வாகனங்களில் வந்த தீயணைப்புத்துறையினர், தண்ணீரை பீய்ச்சி அடித்து தீயை கட்டுப்படுத்தினர். நல்வாய்ப்பாக உயிர்சேதம் ஏதும் இல்லை. மின் கசிவால் தீ விபத்து ஏற்பட்டிருக்கலாம் என தகவல் வெளியாகியுள்ளது.