தலை இல்லாமல் கிடந்த உடல்..! பழிக்கு பழி வாங்கிய நண்பன்..! தூத்துக்குடியில் பயங்கர சம்பவம்

தூத்துக்குடியில் உள்ள சலவை தொழிலாளர் இடம் அருகே, இரத்தக்கரையுடன் ஒரு பை ஒன்று கிடப்பதாக அங்கிருந்தவர்கள் போலீசாருக்கு தகவல் அளித்தனர். அங்கு விரைந்து வந்த போலீசார், அந்த பையை திறந்து பார்த்தபோது, இளைஞர் ஒருவரின் தலை மட்டும் இருந்ததைக் கண்டு அதிர்ச்சி அடைந்தனர். சற்று நேரத்தில் மையவாடி பகுதியில் தலை இல்லாமல் உடல் மட்டும் கிடப்பதாக தகவல் வர, போலீசார் அந்த உடலை மீட்ட நிலையில், தலை மற்றும் உடல் இரண்டையும் மீட்டு பிரேத பரிசோதனைக்கு அனுப்பி வைத்தனர். இதுதொடர்பான விசாரணையில், கொலை செய்யப்பட்டவர் தூத்துக்குடி மில்லர்புரம் ஹவுசிங் போர்டு காலனியை சேர்ந்த மாரியப்பன் என தெரியவந்தது. கடந்த சில தினங்களுக்கு முன்பு, மாரியப்பனுக்கும், அவரது நண்பர் சப்பாணி முத்துவுக்கும் இடையே மதுபோதையில் தகராறு ஏற்பட்டதாக கூறப்படுகிறது. அப்போது, ஆத்திரமடைந்த மாரியப்பன், சப்பாணி முத்துவின் தலையில் கல்லைப் போட்டுக்கொன்ற நிலையில், கைதாகி ஜாமினில் வெளியே வந்தார். இந்த நிலையில், சப்பாணிமுத்துவுக்கு ஆதரவானவர்கள் யாரேனும், பழிக்கு பழியாக மாரியப்பனை கொலை செய்திருக்கலாம் என போலீசார் தரப்பில் தெரிவிக்கப்பட்டுள்ளது