குரூப்-2, குரூப்-2ஏ, குரூப்-4 தேர்வுகள்... அரசுப் பணியாளர் தேர்வாணையம் நாளை ஆலோசனை

தமிழகத்தில் குரூப் 2, குரூப் 2-ஏ, குரூப் 4 உள்ளிட்ட போட்டித்தேர்வுகள் மூலம் பல்வேறு அரசுப் பணியிடங்கள் நிரப்பப்பட்டு வருகின்றன. நடப்பு ஆண்டில் டி.என்.பி.எஸ்.சி குரூப் 1 வேளாண்மைத் துறை பணியிடங்களுக்கான தேர்வு, உதவி வரைவாளர் பணியிடங்களுக்கான தேர்வு ஆகியவை நடந்து உள்ளன. கொரோனா பரவல் காரணமாக மற்ற தேர்வுகளை நடத்துவதில் சிக்கல் ஏற்பட்ட நிலையில், குரூப் 2 உள்ளிட்ட தேர்வுகளை எப்போது நடத்துவது என்பது தொடர்பாக, அரசுப் பணியாளர் தேர்வாணைய அதிகாரிகள் நாளை ஆலோசனை நடத்த உள்ளனர். இந்த ஆலோசனையைத் தொடர்ந்து, தேர்வுகளின் தேதி மற்றும் பணியிட விவரங்கள் குறித்த அறிவிப்பு வெளியாகும் என்று எதிர்பார்க்கப்படுகிறது.