கணவனை கொலை செய்ய கூலிப்படை ஏவிய மனைவி- 4 பேரை கைது செய்த போலீசார்

சூலூர் அருகே உள்ள அரசூர்  பகுதியைச் சேர்ந்த   சுப்பிரமணி, இவரது மனைவி திலகவதி. சுப்பிரமணி வட்டிக்கு கடன் கொடுத்து வசூல் செய்து வருகிறார்.

இவரை மர்மகும்பல் ஒன்று, கத்தியால் தாக்கி அரிவாளால் வெட்டியுள்ளனர். இதில் படுகாயமடைந்த அவர் மருத்துவமனையில் அனுமதிக்கப்பட்டு சிகிச்சை பெற்று வருகிறார். இந்த கத்திக்குத்து சம்பவம் குறித்து சூலூர் போலீசார் வழக்கு பதிவு செய்து விசாரணை் நடத்தி வந்தனர். விசாரணையில், சுப்பிரமணி மனைவி திலகவதி கூலிப்படையை வைத்து கொலை செய்ய முயன்றது தெரிய வந்தது. பின்னர் விசாரணை நடத்திய தனிப்படை போலீசார் வேலாயுதமூர்த்தி, குமார் , பிரபாகன் மற்றும் திலகவதி ஆகியோரைக் கைது செய்தனர். அவர்கள் 4 பேரையும் நீதி மன்றத்தில் ஆஜர்படுத்தி சிறையிலடைத்தனர். கணவர் வேறு ஒரு பெண்ணுடன்  உறவு வைத்திருந்ததால், கூலி படையை ஏவியதாக மனைவி திலகவதி விசாரணையில் கூறியுள்ளார்.