சுங்கத்துறை துணை ஆணையருக்கு கத்திக்குத்து - கத்தியால் குத்திய கணவரை கைது செய்த போலீசார்

சென்னை கோயம்பேடு பகுதியில் வசித்து வருபவர் ஷர்மிளா. இவர் விமான நிலையத்தில் சுங்கத் துறையில் துணை ஆணையராக பணிபுரிந்து வருகிறார். இவருடைய கணவர் செல்வ முத்துக்குமரன். மென்பொருள் நிறுவனத்தில் வேலை பார்த்து வரும் நிலையில் இவர்களுக்கு 2 குழந்தைகள் உள்ளனர். இதனிடையே உறவினர் வீட்டு திருமணத்திற்கு செல்வது தொடர்பாக கணவன், மனைவிக்கு இடையே பிரச்சினை ஏற்பட்டுள்ளது. மதுபோதையில் இருந்த இருவருக்கும் இடையே வாக்குவாதம் முற்றியதில் கத்தியை எடுத்து ஷர்மிளாவை சரமாரியாக குத்தியுள்ளார் செல்வமுத்துக்குமரன். பின்னர் அவரே ஆம்புலன்சை வரவைத்து மருத்துவமனையிலும் அனுமதித்துள்ளார். ஷர்மிளாவுக்கு சிகிச்சை நடந்து வரும் நிலையில் கணவரை போலீசார் கைது செய்து விசாரணை நடத்தி வருகின்றனர்.