இஎஸ்ஐ மருத்துவமனையில் மாத்திரைகள் திருட்டு - ரூ.68 ஆயிரம் மதிப்புள்ள மாத்திரைகள் அபேஸ்

திருவள்ளூர் மாவட்டம் கும்மிடிப்பூண்டி சிப்காட் தொழிற்பேட்டையில் தொழிலாளர்களுக்கான இ.எஸ்.ஐ. மருத்துவமனை இயங்கி வருகிறது. இந்த மருத்துவமனையில் நோயாளிகளுக்கு அளிக்கப்படும் மருந்து, மாத்திரைகள் அங்கு உள்ள கிடங்கில் பாதுகாப்பாக வைக்கப்பட்டிருக்கும். இந்த நிலையில், சர்க்கரை நோயாளிகளுக்கு வழங்கப்படும் 4 ஆயிரத்து 200 மாத்திரைகள் திடீரென மாயமானதாக தெரிகிறது. இவற்றின் மொத்த மதிப்பு ரூ.68 ஆயிரம் என்பதால் போலீசில் புகார் அளிக்கப்பட்டது. அப்போது அவர்கள் நடத்திய விசாரணையில் மருத்துவமனை ஊழியர்களான ராபர்ட், கார்த்திகேயன் ஆகிய 2 பேர் மாத்திரைகளை திருடி வெளிச்சந்தையில் விற்றது உறுதியானது. 2 பேரை கைது செய்த போலீசார் விசாரணை நடத்தி வருகின்றனர்.