கொரோனா காலத்தில் நுரையீரல் மாற்று அறுவை சிகிச்சை - அப்பல்லோ மருத்துவமனை தலைவர் பிரதாப் ரெட்டி வாழ்த்து

கொரோனா காலத்தில், நாட்டிலேயே முதல் முறையாக இரட்டை நுரையீரல் மாற்று அறுவை சிகிச்சையை சென்னை ஆயிரம் விளக்கில் உள்ள அப்பல்லோ மருத்துவமனை வெற்றிகரமாக செய்துள்ளது. உறுப்புமாற்று அறுவை சிகிச்சையை வெற்றிகரமாக முடித்த மருத்துவர்களை, அந்த மருத்துவமனை குழும தலைவர் பிரதாப் ரெட்டி காணொலி காட்சி மூலம் பாராட்டினார். செய்தியாளர்களிடம் பேசிய மருத்துவர் சுந்தர், சவாலான நேரத்தில், 4 பேருக்கு இரட்டை நுரையீரல் மாற்று அறுவை சிகிச்சையை வெற்றிகரமாக முடித்துள்ளதாக கூறினார். கொரோனா காலத்தில் நடைபெற்ற முதல் நுரையீரல் மாற்று அறுவை சிகிச்சை இது என்ற மருத்துவர் சுந்தர், சிகிச்சை பெற்றவர், ஆக்ஸிஜன் உதவி இல்லாமல் 2 கிலோ மீட்டர் நடக்க முடிவதாக தெரிவித்தார்.