காரை வழி மறித்து துரத்திய ஒற்றை யானை - உயிர் தப்பிய இளைஞர்கள்

ஈரோடு மாவட்டம் சத்தியமங்கலம் அருகே கடம்பூர் மலைப்பகுதி வனச்சாலையில் சென்ற காரை ஒற்றை ஆண் யானை வழி மறித்துத் துரத்தியதால் பரபரப்பு ஏற்பட்டது. இன்று காலை சத்திய மங்கலத்தை சேர்ந்த இளைஞர்கள் 4 பேர் காரில் குன்றி கிராமம், செல்லும் சாலையில் காரில் சென்று கொண்டிருந்தனர். அப்போது வனப்பகுதியில் இருந்து வெளியேறிய ஒற்றை ஆண் யானை சாலையின் நடுவே நின்று கொண்டிருந்தது. பின்னர் அந்த காரை யானை துரத்த துவங்கியதால், இளைஞர்கள் காரை பின்னோக்கி செலுத்தி ஒரு இடத்தில் திருப்பி உயிர் தப்பினர். இதனால் அப்பகுதியில் பரபரப்பு ஏற்பட்டது.