சாத்தான்குளம் விவகாரம் : சிபிஐ விசாரணைக்கு மாற்றப்பட்டது ஏன்? - திமுக தலைவர் ஸ்டாலின் கருத்து

இரு அப்பாவிகளின் உயிர் பறிக்கப்பட்டிருப்பதற்கும் அவர்களது குடும்பத்திற்கும் நீதி வழங்க வேண்டும் எனில், அவர்களின் கோரிக்கையை ஏற்று IPC 302-ன்கீழ் கொலை வழக்குப் பதிவு செய்து சம்பந்தப்பட்ட காவல்துறை உதவி ஆய்வாளர்கள் மற்றும்  போலீசாரை உடனே கைது செய்ய வேண்டும் என திமுக தலைவர் ஸ்டாலின் வலியுறுத்தியுள்ளார். அவர் விடுத்துள்ள பதிவில், பொதுமக்கள், அரசியல் கட்சிகள் மற்றும் ஊடகத்தினரின் கடும் அழுத்தத்தால் வழக்கு சிபிஐ விசாரணைக்கு மாற்றப்பட்டுள்ளதாகவும் அவர் கூறினார். நீதி வழங்கும் அரசியல் துணிவு இருந்திருப்பின் உயிர்பறித்த காவல்துறையினர்  இப்போதும் சுதந்திரமாக உலவ முடியுமா? என்றும் அவர் கேள்வி எழுப்பியுள்ளார்