சத்தியமங்கலம் வன விலங்குகள் கணக்கெடுப்பு நாளை தொடக்கம் - 300க்கும் மேற்பட்ட பணியாளர்கள் பங்கேற்கின்றனர்

சத்தியமங்கலம் புலிகள் காப்பகத்தில் வனவிலங்குகள் கணக்கெடுப்பு பணி நாளை தொடங்கி 6 நாட்கள் நடைபெற உள்ளது. பல வகையான வன விலங்குகள் வசிக்கும் இந்த காப்பகத்தில் ஆண்டிற்கு இரண்டு முறை கணக்கெடுப்பு நடத்துவது வழக்கம். அதன்படி மழைக் காலத்திற்கு முந்தைய கணக்கெடுப்பு  நாளை தொடங்குகிறது. இந்த கணக்கெடுப்பு பணியில் வனச்சரக அலுவலர்கள், வனக்காப்பாளர்கள், வேட்டை தடுப்பு காவலர்கள் என 300க்கும் மேற்பட்ட பணியாளர்கள்  ஈடுபட உள்ளனர். கொரோனா அச்சம் காரணமாக இந்த கணக்கெடுப்பு பணியில், தன்னார்வலர்கள் ஈடுபடுத்தப்படவில்லை என்பது குறிப்பிடத்தக்கது.