தங்கம் விலை கிராம் ரூ.4,181 க்கு விற்பனை - இன்று ஒரே நாளில் ரூ.208 குறைந்தது

தங்கம் விலை இன்று ஒரே நாளில் சவரனுக்கு 208 ரூபாய் குறைந்து  33 ஆயிரத்து 448  ரூபாய்க்கு விற்பனையாகி வருகிறது.  ஒரு கிராம் 4 ஆயிரத்து 181  ரூபாய்க்கு விற்பனையானது. காலையில் சவரனுக்கு 72 ரூபாய் குறைந்த நிலையில், மாலை நிலவரப்படி 136 ரூபாய் குறைந்தது. தங்கம் விலை தொடர்ந்து ஏற்றம் கண்டு வந்த நிலையில், இன்று சற்றே இறக்கம் கண்டது. கொரோனா வைரஸ் அச்சம் காரணமாக உலக அளவிலான பொருளாதாரத்தில் மாற்றம் ஏற்பட்டுள்ளது. கச்சா எண்ணெய் விலை சரிவு,  பங்குச் சந்தை வீழ்ச்சி காரணமாக தங்கம் விலை தொடர்ந்து உயரும் என எதிர்பார்க்கப்பட்ட நிலையில், விலை குறைந்துள்ளது ஆறுதல் அளிப்பதாக வர்த்தகர்கள் கூறினர். சென்னையில் வெள்ளி விலை கிலோவுக்கு ஆயிரம் ரூபாய் குறைந்துள்ளது.