விவசாய தோட்டங்களில் சிறுத்தை நடமாட்டம் - சிறுத்தையை பிடிக்க, கூண்டுவைத்த வனத்துறை

சத்தியமங்கலத்தை அடுத்த ஜல்லியூர் பகுதியில் விவசாய தோட்டங்களில் நடமாடும் சிறுத்தையை பிடிக்க, வனத்துறையினர் கூண்டு வைத்தனர். ஏற்கனவே மேட்டூர் பகுதியில் தென்பட்ட அந்த சிறுத்தையை பிடிக்க, விவசாய தோட்டத்தில் கூண்டு வைக்கப்பட்டது. ஆனால், கூண்டில் சிக்காமல் போக்குகாட்டிய அந்த சிறுத்தை, 3 நாட்களுக்கு முன்பு ஜல்லியூர் பகுதியில் புகுந்து 3 வெள்ளாடுகளை அடித்துக்கொன்றது. இதனையடுத்து, சிறுத்தையின் கால்தடம் பதிவான பகுதியில் கூண்டுவைத்துள்ள வனத்துறையினர், தானியங்கி கேமரா மூலம் சிறுத்தை நடமாட்டத்தை கண்காணித்து வருகின்றனர்.